كيفكم يا احلى اعضاء ؟؟؟؟
ان شاء الله تمام
وكيف الصيام معكم ؟؟؟؟
عساه ما يتعب
على العموم اليوم حبيت احط موضوع بمناسبة الشهر الكريم
موضوعي يتكلم عن كيف يتعبوا الام والابو
والموضوع كله هو عبارة عن قصة خرفتها
عن كيف تكون بعض البيوت في رمضان عادة
احس نفسي طولت عليكم
تفضلو
[ندعوك للتسجيل في المنتدى أو التعريف بنفسك لمعاينة هذا الرابط]
كالعادة الكل نايم معادة الام والابو >> وعلى قلبي ماما وبابا :{
الام قاعدة تطبخ
والابو يسعدها او على اللابتوب ويمكن رايح يجب اغراض
ولكن في الصباح مايصير شيء لان الكل نايم
جا الظهر راحت الام تقعد بنتها عشان تسعدها
وترد البنت : ماما انا نعسانة قعديني بعد شوي >> ولا على بالها X P
تروح الام تكمل شغلها
وبعد شوي ترسل الاب يقعدها
الابو : بابا ياقمر قومي صلي الساعة 2:30 راح تصير قضى >> وهي توها الساعة 12
تقعد البنت فزعانة وترمي البطانية على ابوها
وتدخل الحمام
بعدين راح لولده يقعده يصلي
الابو : يا ولدي قوم صلي الظهر الساعة 2:30 قوم قبل ما يأذن تراها را تصير قضى
قام الولد بسرعة وراح للحمام وقام يدق باب الحمام
عشان اخته تستعجل
طلتع اخته وصلت بعدين راحت لامها
البنت : ماما اساعدك ؟؟
الام : الله يرحم والديك تعالي كملي عني شوي اقرا لي كم من اية عشان اختم القران
قعدت تتطبخ البنت خمس دفائق ونادت على امها >> خوش مساعدة X D
و اما اخوها راح نام
دخلنا العصر را الابو يقعد الولد عشان يصلي العصر وساعد امه
الابو : ياولدي قوم صلي
الولد : حاضر
ويكمل نوم
يعود يرجع الابو : يا ولدي حطينا الفطور قوم صلي العصر قضى وصلي المغرب بعد قبل لا تصير قضى
يطلع الولد في ابوه بنظرة واح مفهي ووجه احمر من النوم ويكمل النوم
عصب ابوه وسحب البطانية وطفا المكيف وولع اليتات
وشال التكية الي تحت راسه
ومسك يده وفلته على الارض
قعد الولد مختلع با قي شوي ويبكي
وقال له ابوه معصب منه : اخر مرة تسوي كذا
وطلع من الغرفة وسكر الباب بقوة
راح لزوجته يشوف اذا تحتاج شيء
وتنط عليه بنت
وتقول : بابا ابي قيمر وكرز وفراولة وزبادي وحليب قليل الدسم وشكولاته
وعسل وجبنة ولبنة وخوخ وتوت والوان صناعية وفيمتو وجلي
ومعكرونة ... الخ >> الطلبات مالها نهاية X P
را الابو وجاب الطلبات
والطلبات الله لا يروك الفاتورة X D
جا وقت الفطور
صلت العائلة وقعدوا على السفرة
ويلا
بسم الله
والاكل ما شاء الله
صفرية رز
وصفرية كري دجاج
ووحدة ثانية سمك
وبعد لانننسا اللقيمات والفيمتو
الولد والبنت : تسلم يدك ماما
الابو : تسلم يدك بس وين راحت كل الطلبات
الولد : ها بابا ما تعرف بنتك
طلع الابو في بنته
و نططت من مكانه
وراحت وجابت الحلا
وكان الحلا كيكة جالكسي وام علي وبسبوسة
ومنفورة
الولد : بل عليك ما تكري في معدتنا
البنت : انقلع احسنلك
كل شخص اكل شوية
الابو : تسلم يدك بنتي
الام : تسلم يدك ما شاء الله الاكل مرة حلو
اخوها : الاكل وع
البنت : نعم مصدق حالك
الولد : لا والله امزح الاكل مرة حلو
وجا العشاء
الام المسكينة قاعدة تغسل المعاوين و تمسح الارضية وترتب البت
بقعة قشطة هنا بقعطة عصير هناك .. الخ
وتقعد اكثر من ساعتين ترتب وتنظف بعدين تنام
والابو يروح يدرس قران
ويرجع وينام
والبنت والولد يسهروا
ويعفسوا البيت
[ندعوك للتسجيل في المنتدى أو التعريف بنفسك لمعاينة هذا الرابط]
ان شاء الله عجبتكم القصة
ويا ليت اشوف ردود حلوة
لان يدي تكسرت ومخي عصرته عشان اطلع القصة
ولكن مضمون القصة هوة ان بر الوالدين مو قبلة على الراس و لا قبلة على اليد
فلازم نساعدهم في كل شيء لو نصير زي الخدم عندهم
ولكن اهم شيء هو فرحتهم ورضاهم
ولما نساعدهم راح يكون لنا اجر كريم
فما بلك في رمضان
واتمنى ان الموضوع عجبكم واجد
يلا انتظر ردودكم
يلا
باي
ومبروك عليكم الشهر
[ندعوك للتسجيل في المنتدى أو التعريف بنفسك لمعاينة هذا الرابط]
الثلاثاء فبراير 19, 2013 1:24 am من طرف عازفة بيانو
» افضل المعلمات
الأربعاء فبراير 13, 2013 2:11 am من طرف ToOotOo
» أفضل 15 خطوة لطردك من المدرسه مضمونه 100%
الأربعاء فبراير 13, 2013 2:07 am من طرف ToOotOo
» شوفوا البنت كيف تكره المدرسة
الأربعاء فبراير 13, 2013 2:00 am من طرف ToOotOo
» الفرق بين البنات والشباب بالمدرسه اذا يبون قلم
الأربعاء فبراير 13, 2013 1:56 am من طرف ToOotOo
» الي يوصل رقم 10 احلى واحدهـ
الثلاثاء فبراير 12, 2013 9:30 pm من طرف عازفة بيانو
» ي ححلوينن آبــي ترحيبكمم لوو ممكنن
الثلاثاء فبراير 12, 2013 9:22 pm من طرف ToOotOo
» الصديق هو ؟؟
الثلاثاء فبراير 12, 2013 9:22 pm من طرف عازفة بيانو
» خاطرة قلب { مدونة لا تنتهي }
الثلاثاء فبراير 12, 2013 9:17 pm من طرف ToOotOo